tg-me.com/facdy313/1072
Last Update:
مولاي الاكبر
......
ولدي علي دلني عليك
.......
شفته يركض من الخيم ومتيه وطاح
صوت اجاله من ابنه ومفرع ركض راح
ها خويه كاصد وين يحسين
جا عكس صوته طالع الوين
كلي اعذريني يزينب
صوته طفالي الشوف ولعين
دليني ياخويه اعل دربه
عذريني جي حالتي صعبه
خليني الحك بلكت الحك
عل ابني كبل لا يكف كللبه
.......
اشكد تعثر وأنه ادري عطشان اشكثر جان
اعل كيفك كتله اوي روحك ها يعطشان
الباب الخيم اطلعت اتناه
من مشه امحدب جان مكفاه
ولو وصل شنهو ايصير حاله
ايموت لو مارجع وياه
شفته وصل وبصفه امتد
وباخر نفس مارضه يكعد
هوه انت اخر شي بقه اوياي
خلصو هلي الله لحد
.........
ايكله بويه من تبقه هيج اموتن اوياك
الدنيا كلهه اعليهه العفه من بعد عيناك
اتمدد ابطوله وضل يكله
هجرك يل اكبر مااحمله
يبني وراي اهواي شمات
ابضهري راح اتشوف خله
كوم اوي ابوك وشوف الجروح
اشجم دوب تبقه هيجي مطروح
ماترضه هيج ابحالتي ايصير
ابين العده امشي ودمعي مفضوح
.........
اسمعته يشهك وطلعت بس ارد اشوفن حاله
الكيته عوزه لحضه حته الموت هم ايناله
الحد الخيم شهكاته وصلن
خفت انه خاف اسنينه يكضن
ولمن صحتله وشاف طولي
رجعني ولدمعات صبن
وماشال ابنه هوه بيده
محني الضهر راح اليريده
نور العين بعدك منطفي النور
يريت الموته عكبك مو بعيده
.......
كلشي ماضل كلشي راح وانت جنت الكلشي
ياهو إليه ولدمع جم مره بلل رمشي
ميت ولا اشوفنك اتموت
وبنعشي انته تمشي زاتوت
أبيا وكت يبني امن اصيحك
الصوت نفسه يرجع الصوت
جابه ومدده مابين اخوته
يبجي وعله بلبجي صوته
واحد وره الثاني كضيتو
وانه عدل مابين موته
.......
اللهم عجل لوليك الفرج
بفضلهم
محمد الاسماعيلي
BY الشاعر محمد الاسماعيلي
Warning: Undefined variable $i in /var/www/tg-me/post.php on line 280
Share with your friend now:
tg-me.com/facdy313/1072